Cynllunio eich Ymweliad

Cynllunio eich Ymweliad

Home » Ymweld â CyDA » Cynllunio eich Ymweliad

Mae CyDA ar gau i’r cyhoedd rhwng 5yh ar 23ain Hydref a 9fed Dachwedd yn unol a chyfnod atal Llywodraeth Cymru. Darllenwch ein hysbysiad COVID-19 am fwy o wybodaeth.

Rydym yn methu ag aros i’ch croesawu yn ôl – fe sylwch ein bod wedi gwneud rhai newidiadau i helpu i gadw pawb yn ddiogel.

Archebwch docynnau ymlaen llaw

Rhaid archebu tocynnau ymlaen llaw a phennir slotiau 30 munud ar gyfer amser cyrraedd. Yr amser mynediad cynharaf yw rhwng 10:00 a 10:30 a’r olaf yw rhwng 14:30 a 15:00. Mae’r safle yn cau am 17:00.

Oedolyn: £6.50
Consesiwn: £5.50*
Plentyn: £3.50*

*Consesiwn: Myfyrwyr, pobl dros 60 oed a phobl ddi-waith.
*Plentyn: 4-16 oed. Plant dan 4 am ddim.

Manylion mynediad

I sicrhau diogelwch a phellter cymdeithasol  o 2 fedr, nid yw rheilffordd clogwyn cydbwysedd dŵr CyDA yn gweithredu ar hyn o bryd. Gellir cael mynediad i’r ganolfan ymwelwyr drwy gerdded i fyny lôn gymharol serth sy’n cymryd tua 10 munud. Mae parcio hygyrch ar gael i’r rheiny sydd ei angen.

Fe welwch ragor o wybodaeth yn ein hadran Cwestiynau Cyffredin ymwelwyr.

ARCHEBU TOCYNNAU

Cyfyngir nifer y tocynnau ar gyfer pob slot amser fel bod modd rheoli llif yr ymwelwyr a lleihau’r angen am giwio.

Mynediad am ddim i bobl leol!

Os ydych yn byw yn barhaol o fewn codau post SY19 a SY20, bydd yn bleser gennym gynnig mynediad am ddim i chi drwy gydol y flwyddyn. Dewiswch yr opsiwn cywir wrth archebu eich tocynnau a dewch â phrawf o’ch cyfeiriad gyda chi i’r swyddfa docynnau.

Cyrraedd CyDA

Lleolir CyDA dair milltir i’r gogledd o Fachynlleth a gellir ei gyrraedd yn hawdd ar drafnidiaeth gyhoeddus. Mae Machynlleth ar linell drên Birmingham-i-Aberystwyth, y gellir ymuno â’r lein hon o’r Amwythig a Wolverhampton. Mae bysiau yn rhedeg bob awr o orsaf drenau Machynlleth ac yn aros y tu allan i’r safle. Cadwch lygad allan am gyfyngiadau teithio yn sgil COVID-19.

Trefnu eich Ymweliad – Cwestiynau ac atebion

Cyn eich ymweliad

A oes angen archebu ymlaen llaw?

I sicrhau diogelwch ein hymwelwyr a’n staff, rydym yn rheoli llif yr ymwelwyr o amgylch y safle drwy ddarwahanu amserau mynediad i slotiau cyrraedd 30 munud.

Rhaid archebu tocynnau ymlaen llaw cyn dod i CyDA, a gwrthodir mynediad i unrhyw un sy’n cyrraedd y tu allan i’w slot penodedig (yn ddibynnol ar y cyfyngiadau capasiti).

Dewch â chopi digidol neu brintiedig o’ch cadarnhad archebu gyda chi.

Diben y newidiadau hyn yw cefnogi’r rheol pellter cymdeithasol 2 fedr.

A fyddwch yn cadw fy manylion at bwrpas Tracio, Olrhain a Diogelu?

Byddwn yn cymryd y wybodaeth hon wrth i chi archebu – yn benodol oddi wrth arweinydd y grŵp.

Mae’n rhaid i ni rannu’r wybodaeth hon am hyd at 21 diwrnod ar ôl eich ymweliad er mwyn helpu i dracio lledaeniad unrhyw achosion.

Am ragor o wybodaeth gweler tudalennau gwefan Profi ac Olrhain GIG.

Am faint o amser y medraf aros?

Nid oes rhaid i chi adael y safle ar ôl cyfnod penodol o amser ond, tra’ch bod ar y safle, gofynnir i gymryd y rheol pellter cymdeithasol 2 fedr ac unrhyw ragofalon eraill o ddifrif.

Os oes gennyf symptomau, a allaf ddod?

Yn dilyn canllawiau’r llywodraeth, os ydych yn dangos unrhyw symptomau COVID-19, neu os ydych, drwy wybod i chi, wedi bod mewn cysylltiad ag unrhyw un sy’n arddangos symptomau, mae’n hynod bwysig eich bod yn hunan-ynysu gartref ac felly nid ydych yn gallu dod i CyDA.

Gweler canllawiau Llywodraeth Cymru am ragor o wybodaeth.

A allaf ddod â phicnic?

Gallwch siwr! Nid yn unig y mae CyDA yn lle gwych am bicnic, fe gewch fap yn dangos llwyth o lefydd ffantastig i’w fwynhau, gan gynnwys yn y coedwigoedd, y gerddi neu yn edrych allan dros olyfa drawiadol.

Ydw i’n dal i allu dod â’r chi?

Ydych siŵr! Mae croeso mawr i aelodau pedair coes y teulu – y cyfan a ofynnir yw eich bod yn defnyddio’r bag baw bioddiraddadwy a ddarperir, a chadw’r ci ar dennyn byr ar bob adeg.

Wrth ymweld â CyDA

A ydyw gwasanaeth gwybodaeth rhad ac am ddim CyDA ar gael?

Yn anffodus ni allwn agor y ddesg gwybodaeth am ddim ar hyn o bryd. Fodd bynnag, os ydych yn chwilio am rywbeth penodol, neu os hoffech gysylltu â’r tîm, anfonwch ebost at info@cat.org.uk a bydd rhywun yn cysylltu â chi yn fuan.

A fyddwch yn cynnig unrhyw weithgareddau i’r teulu?

Yn anffodus, gan fod y mwyafrif o’n gweithgareddau teulu yn rhai ymarferol, penderfynwyd peidio â chynnal gweithgareddau ychwanegol. Fodd bynnag mae digon i’r plant i’w fwynhau gan gynnwys arddangosfeydd rhyngweithiol ac mae llwythi o lefydd yn yr ardd a’r coedwigoedd i’w harchwilio.

A fydd y maes chwarae ar agor?

Bydd, rydym yn cadw’r maes chwarae ar agor ond gofynnir i rieni fod yn gyfrifol am sicrhau bod y rheolau pellter cymdeithasol 2 fedr yn cael eu parchu.

A yw’r siop anrhegion ar agor?

Nid ydym yn agor prif siop CyDA ar hyn o bryd ond fe fydd siop dros dro llai o faint ar gael ger y caffi ar gyfer anrhegion a phethau da

Beth fydd ar gael yn y caffi?

Oherwydd bod rhaid cael llai o staff er mwyn sicrhau bod modd cadw pellter cymdeithasol yn ein ceginau, rydym yn cynnig bwydlen lai sy’n cynnwys bwydydd picnic llysieuol blasus. Fel arall, mae croeso mawr i chi ddod â bwyd eich hunain i’w fwynhau yn un o safleoedd picnic prydferth CyDA.

A fydd darpariaeth ar gyfer fy ngofynion dietegol?

Mae ein caffi yn hollol lysieuol ac fel arfer cynigir amrywiaeth o ddewisiadau fegan hefyd. Mae gan ein tîm proffesiynol brofiad helaeth o arlwyo ar gyfer pob math o ofynion dietegol.
Fodd bynnag, ar hyn o bryd, rydym yn cynnig bwydlen lai sy’n cynnwys diodydd, cacennau a bwydydd picnic, felly mae ein gallu i arlwyo ar gyfer pob math o ofynion dietegol ychydig y llai na’r arfer.

Gofynnwch i aelod o staff y caffi os oes gennych unrhyw ofynion dietegol penodol neu siaradwch â ni ymlaen llaw drwy anfon e-bost at visit@cat.org.uk

A allaf ddefnyddio arian parod ar y safle?

Gallwch, rydym yn derbyn arall parod, fodd bynnag gofynnwn i chi ddefnyddio cerdyn lle y bo modd.

Mesurau diogelwch

Sut rydych chi’n gwneud y toiledau’n ddiogel i’w defnyddio?

Rydym yn gofyn i grŵp o un aelwyd yn unig fynd i mewn i’r cyfleusterau toiled ar y tro, a gweithredir amserlen lanhau briodol drwy’r amser.

A oes rhaid i fi wisgo masg dan do?

Gan ein bod yn hyderus bod mesurau cadw pellter cymdeithasol digonol mewn lle, nid ydym yn gofyn i ymwelwyr wisgo masgiau ar hyn o bryd.  Fodd bynnag, os ydych yn dymuno gwisgo un, mae croeso i chi wneud hynny.

Faint o CyDA sydd dan do?

Mae yna rai ardaloedd arddangos dan do, ond nid ydynt yn hanfodol i’r profiad – mae digonedd i’w weld os ydych am archwilio’r arddangosfeydd allanol, y gerddi a llwybr y chwarel yn unig.

A fydd diheintydd dwylo ar gael?

Bydd, rydym yn darparu nifer o fannau diheintio dwylo ar gyfer ymwelwyr ar draws y safle.

Hygyrchedd a Chyrraedd CyDA

A oes gan y safle fynediad i’r anabl?

Mae rheilffordd y clogwyn ar gau ar hyn o bryd ac mae mynediad i’r Ganolfan Ymwelwyr ar hyd llwybr byr cymharol serth, sy’n daith o tua 10 munud. Mae llefydd parcio i’r anabl ar dop Rhodfa’r De, gan osgoi’r daith gerdded.

I gael gwybodaeth ynghylch lle i barcio a mynediad i’r safle, siaradwch ag aelod o’r staff yn y maes parcio isaf / swyddfa docynnau.

Mae’r arddangosfeydd wedi eu gosod ar hyd a lled safle awyr agored 7 erw. Mae’r mwyafrif o lwybrau’r safle wedi eu gwneud o gerrig mân wedi’u cywasgu sydd gan mwyaf yn wastad. Fodd bynnag efallai bydd angen cymorth ar ddefnyddwyr cadeiriau olwyn, yn enwedig pan fydd y tywydd yn arw.

Mae gan yr holl adeiladau fynediad ramp neu wastad ac mae’r drysau, mynedfeydd a choridorau yn ddigon llydan i gadeiriau olwyn.

Mae toiledau sy’n hygyrch i gadeiriau olwyn yn adeilad croeso’r maes parcio isaf a ger y siop ar ben rheilffordd y clogwyn.
Mae gennym sgwteri symudedd a chadair olwyn drydan y gellir eu hurio yn ddi-dâl drwy anfon e-bost ddigon ymlaen llaw at visit@cat.org.uk.

A oes gennych bwynt gwefru ar gyfer ceir trydan?

Mae gan CyDA orsaf wefru gyhoeddus ar gyfer cerbydau trydan sydd AM DDIM i ymwelwyr.
Oherwydd y newidiadau y bu’n rhaid eu gwneud i sicrhau y gellir ailagor yn ddiogel, ni allwch ar hyn o bryd archebu pwynt gwefru ymlaen llaw. Ni ellir felly sicrhau argaeledd ar hyn o bryd.

Mae’r pwynt gwefru yn soced 32 amp Math 2 (neu Mennekes) sy’n caniatáu gwefru cyflym, hyd at 4 awr yn nodweddiadol. Dewch a’ch ceblau gwefru eich hun os gwelwch yn dda.

Siaradwch ag aelod o’r staff yn y swyddfa docynnau isaf i gael y manylion.

A oes cyfleusterau parcio ar y safle?

Mae gennym ddigonedd o lefydd parcio am ddim ar y safle a maes parcio gorlif ar gyfer cyfnodau prysur iawn.

Cysylltu â Ni

Os hoffech gael rhagor o wybodaeth neu gymorth, cysylltwch â ni a bydd aelod o’r tîm yn dod i gysylltiad â chi.